टेरर फंडींग प्रकरणी NIA व ED चे पीएफआय विरोधात विवीध राज्यात छापे

मुंबई :        टेरर फंडींग व कँप चालवल्याप्रकरणी पाॅप्युलर फ्रंट आँफ इंडिया (पीएफआय) या संघटनेच्या देशभरातील विवीध शहरातील कार्यालयावर ED व NIA या तपास यंत्रणांकडून संयुक्तपणे छापेमारी करुन तब्बल शंभरहून अधिक संशयितांना ताब्यात घेण्यात आले असून या कारवाईच्या विरोधात पीएफआयचे कार्यकर्ते आक्रमकपणे आंदोलन करित आहेत.

गुरुवारी पहाटेपासून ED व NIA या तपास यंत्रणांनी पीएफआय च्या केरळ,तामिळनाडू व उत्तर प्रदेशासह देशातील दहा राज्यातील राज्य व जिल्हास्तरिय नेत्यांच्या घरांवर छापे मारुन सुमारे शंभर जणांना अटक केली. पीएफआयचे अध्यक्ष ओएमए सलाम हे ED व NIA च्या रडारवर असल्याने त्यांच्या मलप्पुरम जिल्ह्यातील मंजेरी येथील घरावर अचानक मध्यरात्रीच छापा टाकून त्यांना ताब्यात घेण्यात आले.
एनआयएने पीएफआय या संघटनेच्या तामिळनाडूतील कुड्डालोर, कोईम्बतूर,रामनाद,दिंडुगल,थेनी व थेनकसीसह इतर ठिकाणच्या पदाधिकार्‍यांच्या घरांची झडती घेवून त्यांना ताब्यात घेतले. पीएफआयच्या
चेन्नईस्थित पुरसवक्कम येथील राज्य मुख्य कार्यालयातही झडती घेण्याचे काम अद्याप सुरु आहे.