स्व.आमदार काकासाहेब साळुंखे-पाटील यांच्या जयंती निमीत्त बुधवारी जवळा येथे समाधी दर्शन सोहळा

सांगोला :

                 सांगोला तालुक्याचे भाग्यविधाते स्वर्गीय आमदार काकासाहेब साळुंखे-पाटील यांच्या जयंती निमित्त बुधवार दि.१४ जानेवारी रोजी जवळा (ता.सांगोला) येथे स्व.काकासाहेब साळुंखे-पाटील यांच्या स्मृतींना उजाळा देण्यासाठी साळुंखे-पाटील परिवाराच्या वतीने समाधी दर्शन सोहळा आयोजित करण्यात आला आहे.

           सांगोला तालुक्यातील रस्ते,शेती,पाणी,आरोग्य आणि शिक्षणाच्या सुविधासाठी शेवटच्या श्वासापर्यंत स्व.काकासाहेब साळुंखे-पाटील यांनी स्वतःचे जीवन समर्पित केले होते.सांगोला तालुक्यातील शेतीच्या पाणी प्रश्नाचा पाठपुरावा करतानाच त्यांनी जगाचा निरोप घेतला.त्यांनी केलेल्या कार्याचे स्मरण सांगोला तालुक्यातील सर्वसामान्य जनता व तरुण पिढीला व्हावी व त्यांच्या कार्यापासून तरुणांनी प्रेरणा घेऊन राजकारण आणि समाजकारणात सक्रीय व्हावे,यासाठी स्व.काकासाहेब साळुंखे-पाटील यांच्या स्मृतीला उजाळा देण्यासाठी जवळा येथे समाधी दर्शन सोहळा आयोजित करण्यात आला आहे.

तरी,बुधवारी १४ जानेवारी रोजी स्व.काकासाहेबांना अभिवादन करण्यासाठी सकाळी १० ते दुपारी ४ पर्यंत नागरिकांनी उपस्थित रहावे,असे आवाहन साळुंखे-पाटील परिवाराच्या वतीने करण्यात आले आहे.
—————————————————————