श्री ब्रह्मचैतन्य गोंदवलेकर महाराज यांचा पुण्यतिथी उत्सव भक्तीभावात संपन्न

सांगोला :

श्री समर्थ सद्‌गुरु ब्रह्मचैतन्य महाराज गोंदवलेकरांचा १११ वा पुण्यतिथी उत्सव हा सांगोला येथील श्रीराम मंदिर व ध्यानमंदिर येथे दि.१६ ते २५ डिसेंबर या दरम्यान मोठ्या भक्तीभावात संपन्न झाला.

       यानिमित्त भीक्षा,भजन,मौन,गायन,कीर्तन,प्रवचन, उपासना,अखंड १३ तासाचा जप इ.कार्यक्रम पार पडले.राममंदिर येथे दररोज सकाळी ६ वा.काकडा आरती व सामुदायिक जप इ.कार्यक्रम संपन्न झाले.

                 पंढरपूर येथील ह.भ.प.डॉ.जयवंत महाराज बोधले यांची “राम म्हणता रामची होईजे” या विषयावर ३ दिवस सुश्राव्य अशी प्रवचन माला संपन्न झाली. तसेच सज्जनगड येथील सेवेकरी ह.भ.प.श्री. राघवेंद्रबुवा देशपांडे यांचे नारदीय कीर्तन झाले.तर, ह.भ.प.श्री.गुरुनाथ महाराज कोटणीस,सांगली यांचे प्रवचन त्याचबरोबर दयानंद बनकर व त्यांचे सहकाऱ्यांचा भजन संध्या हा भावगीत,भक्तीगीत, अभंग व गौळणीचा बहारदार कार्यक्रमही संपन्न झाला.       

    बुधवारी श्रीमती शुभांगी कवठेकर यांचे पुण्यतिथीचे कीर्तन व श्रीमहाराजांच्या प्रतिमेवर पुष्पवृष्टी करण्यात आली.श्रीमती कवठेकर यांना तबल्याची साथ श्रीया कुलकर्णी यांनी तर,हार्मोनियम साथ शशिकांत लाटणे यांनी दिली.यावेळी सूत्रसंचालन अश्विनी कुलकर्णी यांनी केले.यानंतर महाराजांची पालखी व नगर प्रदक्षिणा शोभायात्रा शहरातील प्रमुख मार्गावरुन काढण्यात आली. तसेच दुपारी ध्यानमंदिरात आरती व महाप्रसाद होऊन उत्सवाची सांगता करण्यात आली.
—————————————————————————