सांगोल्यात आपुलकी प्रतिष्ठानच्या वतीने महिला दिन साजरा

सांगोला :

जागतिक महिला दिनानिमित्त पालावर राहणाऱ्या महिलांना गुलाब पुष्प व भेटवस्तू देऊन आपुलकी प्रतिष्ठानच्या वतीने बुधवारी महिला दिन साजरा करण्यात आला.

रोजी रोटीसाठी भटकंती करत गांवोगांवी फिरत काबाड कष्ट करणाऱ्या कुटुंबातील महिलांना त्यांच्या राहत्या पालावर जाऊन गुलाब पुष्प व पाण्यासाठी स्टील कळशी सांगोला येथील आपुलकी प्रतिष्ठानच्या वतीने भेटवस्तू देऊन जागतिक महिला दिनानिमित्त एक आगळावेगळा उपक्रम राबविण्यात येवून त्यांना शुभेच्छा देण्यात आल्या.

ज्यांना जागतिक महिला दिन म्हणजे काय ? हेही माहित नाही, अशा महिलांना महिला दिनाच्या शुभेच्छा दिल्याबद्दल त्या महिलांनाही मोठा आनंद झाला व त्यांनी आभार व्यक्त केले.यावेळी आपुलकीचे अध्यक्ष राजेंद्र यादव,सचिव संतोष महिमकर,प्रमोदकाका दौंडे,महादेव दिवटे,दादा खडतरे इ.उपस्थित होते.
—————————————————————————